الابراج هل هى حلال ام عاديه ام حرام ولازم دليل

موضوع كده للمناقشه يعنى للبنات والشباب
هل الابراج حلال ام حرام ام حاجه عاديه ؟؟؟؟
وياريت اللى يقول حلال يقول حلال ليه
واللى يقول حرام يقول حرام ليه ؟؟؟
وبالنسبه للناس اللى هتقول لا يعلم الغيب الا الله ف دى حاجه معروفه
سيبكم من حظك اليوم ده
انا قصدى ع الصفات و كده
يلا عاوزة اشوف ردود

السلام عليكم
بصى يا بوسبوس
انا مش هقول حرام لانى مش بحب افتى والفتوه فى حد ذاتها حرام
هقولك حاجه واحده
انا مثلا برج العذراء
يبقى كل اللى برجهم العذراء شبهى فى الصفات
اتحداكى لو وقلتى اه كلهم
بصى سيبك من الكلام الاستعباط ده
ابراج ايه
ابراج ديه اللى يصدقها الناس الجاهله
حتى ولو فى ناس قالولك ده علم
عمر ما كانت الابراج علم
ما هى لو مفيده ليه مش بندرسها فى المدارس ؟
ديه وجهة نظرى
وشكرا على الموضوع

اولا ده علم عشان متغلطيش ف حد
انا سالت ماما وقالتلى انو مذكور ف القرآن وهبقى اسالها كمان ف سورة ايه واقولك
ثانيا احنا درسناها ف سنه تانيه اعدادى ف الوحده التانيه ف العلوم ف الدرس الاول لو تفتكرى صفحه 73
دى وجهه نظرى انا

يا جميل درسنا ايه
ان الناس اللى برج واحد نفس الصفات؟
لا طبعا كنا واخدين دراسه عامه عن الابراج والكويكبات والنجوم اللى بتشكل اشكال فى السما حسب كل شهر
تعرفى مين اللى بيكتب الصفات ديه ؟
الدجالين
كذب المنجمون ولو صدقوا

احم احم

هو انا صح الصفات اللى بقراها فى برج الثور تشبهنى تمام

يعنى وعلى فكرة يا يورا

انا بابا نفس برجى ولية معظم الصفات اللى فى البرجذى يعنى

ومحدش عارف اة كمان

بس انا بقول ان المهم ان محدش يصدق اللى هو حظك اليوم

لان دة هبل على الاخر

ذى مقالت بسنت

ودى وجهت نظرى

وشكرا على الموضوع يا بسنت

بصى يا جميل انا مش بقتنع بالابراج
لانها فيها كدب كتير
وبدين استحاله هتلاقى الناس الى من برج واحد
نفس الصفات تماما
اكيد هتلاقى الايجابيات الى فى برجك مش كلها صح ولا السلبيات
كلها غلط ممكن تلاقى صفات حد موجوده فى برج تانى

والله يا جماعه انتو عندكو حق
بس المشكله باه ان الصفات بتاعه البرج بتاعى بتشبهنى اوى اوى كمان
ومعظم الناس اللى من برجى بيشبهونى ف صفاتى وبرتاح ف التعامل معاهم

بصى يا ستى أنا معرفش بصراحة بس أحنا بنقراها
بس بتهيألى أن محدش بيعترف بيها
أنا بحب أقرأها وبرجى القوس بس مبعترفش بيها لأن الى بيبقى مكتوب مبيتحققش ونصب كلة دا من رأى

بالنسبه ليكى يا منار
فممكن تكون وراثه انتى بتقولى ان باباكى بيشبهك وده طبيعيه
كمان يا بوسى بتقولى اصحابك نفس البرج وشبهك
طب ده طبيعى لسبب
لان معظمكم جيل واحد
يعنى مثلا انا واصحابى ممكن يشبهونى فى بعض الصفات
عادى
وهقول تانى
كذب المنجمون ولو صدقوا

انا رأيي
ان الابراج ديه كلام فاضي
يعني ازاي اعرف صفات شخص من النجوم اللي بتظهر في السما وقت ميلاده
وغير كده يعني
كل اللي بيتولدوا في نفس اليوم ده بيبقى ليهم نفس الصفات
لا طبعا يعني
انا على فكرة على قولتهم برج الثور
بس لو جيتي بصيتي على الصفات اللي بتتقال هاتلاقيها مختلفة خالص مع صفاتي
فكل ده كلام فاضي
وكذب المنجمون ولو صدفوا

شكرا

ميرسي ع رايك
بس ف الاول وف الاخر ده علم وسالت مدرس الدين بتاعى عليه
وقال ان احنا المفروض منقولش عليه كلام فاضي
لانو علم مش هبل
وانو احنا بنتفرج عليه للتسليه والترفيه فقط بس للايمان بيه لا
يعنى مهواش كلام فاضي
شكرا

انا قصدي على اني اتعلم صفاتي من الابراج
واني امشي وراها
وكده
بس لو اقتصرت على دراسة النجوم
ووقت رؤيتها في السما
ده علم طبعا وحاجة مهمة
لكن اعتمد على الابراج
ديه لا

اكيد يا قطورة طبعا