يا فرحتى على شباب وبنات اليومين دوول ( يلا ادخلوا)

يامسااااااء العسسسل على اجمد اصحاب

هاااااااااااا عاملين ايه بخير طيب
اشطه عليكواااااا
موضوع النهارده
او موشكلززززززززز النهارده
عن شباب
وبنات اليومين دول
ولما نقول اليومين دول
يعنى عصر هيفاء وتامر حسنى
بصوا قبل الدخول فى الموضوع وعرض الموشكلز

لازم نعرف ان فى بنات فى منتهى الاحترام
وشباب مؤدبه
والاتنين اكييييييد يعرفوا ربنا
اشطه كده

ندخل بقى على الموشكلز
واكيييييييييييييييييييييد
الموضوع للنقاش ومستنى ردكم ياعساسيل

انا اللى هقوله ده بشوفه بيحصل كل يووووووووم وكاننا فى باريس ولا كاننا فى بلد عربى واسلامى كمان
طبعا واحد فقيق هيسال سؤال لولبى ويقولى بتشوف ايه ياواد يا ابو على هقوله اصبر يارزل ماانا اكبد هقولالموضوع مقسم لجزئين (حتتين يعنى )
والجزيئن ياريت المناقشه عليهم من الجنسينالجزء الاول عاااااااااالم الشباب

لما تبقى ماشى فى الشارع بالصلاه على النبى
وتلاقى كائن مكهرب شعره وموقفه زى اشاره المرور اتنين متر
ولبس حاجه كده متقطعه وبيقول عليها انها بنطلون
وبكل فخرررررررر
البنطلون معرى مش ملبس هههههههههههه
مسقط يعنى
لازم كل واحد بيفكر نفسه ان روش وجاااااااامد طحن
ان دى عاده اروبيه
طبعا الواد بقى ايه فافى ياعينى
اوربا عيش ياض تعالى نقلدهم
اشطه
قلد
بس مش تقلد حاجه عدله
دى عاااااااااده الشوووووووواذ ياحلوين

و

No CommEnT

,وبكل صراحه الشباب عارفه وعاتى جدا الديك بيدن
ولا كان فى حاجه حصلت
المهم
شب اليومين دول
شب الحيكى ميكى والفيل صديقى
لا فيل ايه بقى
دى بقى قطه

يعنى الواد نازل من بيه ومكهرب نفسه وموقع بنطلونه منه كمان
عشان الموزه طبعاااااااا
ويتصل بوفاء ايه ياقلبى وحشانى مش هشوفك
وفاء لا ياروحى انا اسفه بجد عندنا ضيوف مش هقدر اجى سامحنى ياعمرى
الواد.اوك يا وفاء طب سلام
اتصصصصدم ياعينى
عاتى
اول ماالمكالمه تتقفل
فى داهيه ياوفاء
ويتصل بداليا
قلبى وحشانى موت
داليا انت اكتر ياعيونى
الواد ها مش هشوفك
داليا لا هتشوفنى عشان وحشنى موت
وتيجى داليا
ياقهلا ياداليا منورررررره القهوه هههههههههه
مشيت داليا الساعه10م
الواد طبعااااااااا مش ينفع يروح 10 ايه صحابه يقولوا عليه انه عيل صغير
يتصل باخر دقيقه معاه ده لو معاه رصيد اصلا عشان احتمال يكون خلصه على تفيده وام رضا وحفيظه

ويتصل بمووووزه تانيه عشان يقضى يومه
وطبعا الواااااااد جامد بقى
بنطلون واقع ومقطوع وشعر واقف
وضاربله نضاره بسبعه جنيه من عند عبدو جزره
وعاااااااملى فيها تامر بن عم حسنى
واشطه جدااا الديك بيدن
ويخلص يوم الواد بتاع التسقيط البنطلونات

المهم
هو بيعمل كده ليه
شطاره ولا عشان يورى بتوع المنطقه وصحابه انه خطررر ياعم روح اتملح فى برطمان مخلل واعمل حاجه عدله تنفعك فى الدنيا الفانيه دى ياعم الاموووووووووور
ولا فهلوه ولااااا؟؟؟؟؟؟؟؟
طب حاجه هقولها وهقولها تانى فى الاخر
الدنيا يوم لييييييييييييك وباااااااقى العمر عليييييييييك ياعم الاسبايسى
وراعى ربنا وخاف على ولاياك ومش تقولى مش عندى اخوات بنات مش حجج هى
انت عندك ام ربنا يخليهالك ويباركلك فيها
اشطه

الجزء التانى من الموضوع
عالم البنات (كل واحده فاكره نفسها مادوانا )
اه يعنى لازم نتكلم عن النحيتين اللى بالصلاه على النبى يشرفوووووووا والله

البنااااااااااااااااات
المووووووووووووشكلز الكبيررررر
واساس الموضوع
نخطف مثل كده او رؤيه سريعه زى موضوع الشباب ونقول
البت وعلقتها بنانسى عجرم وغرورها من هيفاء وحقدها على اليسا من دوافع اللى هى بتعمله هههههههههههه
يعنى
البت تنزل من البيت
الحاجه الوالده او الوالد
على فيييييين يابت
على الدرس ياماما
او
رايحه اذاكر مع صحبتى
خلاااااااااث هتطلع دكتوره البت
وهى رايحه تقابل الواد اللى اتكلمنا عليه فوق
طويب اشششششطه
نازله بلبس ولا لبس انجلينا جولى
وام بتعه
طرحه مبينه99.9% من الشعر
او طرحه شفافه ولا كانها موجوده اصلا
وفى بنات بتجيب من الاخر وتريح نفسها من الحر ومش تلبس طرحه
بلا وجع دماغ
وباقى اللبس
النص اللى فوق بلوزه لا بلوزه ايه ده كان زمان
تلبس ايه يااود نقول بودى ومرسوم عليه شفا وكلمه
I lOVE You
او
kiss Me
يافرحتتتتتتتتتتتى
على فكره فى كلم بيبقى مكتوم فى منتهى البجاحه بس ماحدش بياخد باله اصلا
المهم
النص اللى تحت
بنطلون بس الحمد لله متسقط
بس يعنى مش اقل حقاره من اللى متسقط
الرجل اليمين بطلون انجلينا جولى
والرجل الشمال بنطلون ياسمين عبد العزيز
وجزمه طول 5متر وارتفاع 2متر

ورايحه للواد الانتيخ اللى مرمى فوق
وتقابله ويعملوا فيها تامر وشيرين وتروح
الوالده هااااااا زكرتى يابت
البت
اه ياماما وزكرت جاااااااامد اووووووووى كمان
هاهاهاهاها
طويب اشطه

فى حاجه بجد
فى منتهى قله الادب والبجاحه
ان الولد دلوقتى يبقى ماشى مع بنتين فى نفس الوقت
طب بالله عليك
ده تسميه ايه
يعنى بت فى الايد اليمين
وبت فى الايد الشمال
ومع الاولى تامر حسنى
ومع التانيه احمد عز
طب ازاى طيب
وليييييييييييييييييه اصلا
ويقول للاتنين بحبك ومش اقدر اعيش من غيرك
ياااااراجل بلاش فطش

يعنى ياشباب خلاص احنا بقينا تافهين اووووووووى كده

وبعاااااااااد اووووووووووووى عن ربنا كده

وولا يهمنا نفسنا ولا اسرتنا ولا كلام الناس ولا اى حاجه ممكن تحصل

طب ليه بتعمل ايه يعنى بعد اما تخلص يومك كده

بتبقى مراتح ولا مبسوط ولا متمتع

طب ماتجرب تقضى وقتك فى الجامع كده

ونام فى الجامع نص ساعه بدل ماانت بتلف مع الموزه

وشوف الراحه والمتعه حااااااااااااجه فى منتهه الروعه والجماااااااااااااااال

يعنى مش عارف يعنى بس بجد حاجه تغيظ

الواد يمشى مع بنات المنطقه كلها ومش مكفيه ويخخلص على بنات الدفعه اللى فى الجامعه

والبت كذلك والله فى بنات دااااااااااااهيه وهما اللى بيضحكوا على الشباب

يعنى ياعم الامور مش تفكر نفسك فى ذكاء احمد زويل ولا وسامه حسيم فهمى

اانا عارف انى طولت عليكووووووا
بس انا عايز اعرف رايكوا فى اللى بيحصل ولو حد عنده تفسير يقول
ويقول رايه

وزى ماقولت فى الاول
فى بنات محترمه جدااااااااااا
وشباب مؤدب جداااااااااااااااااا
بس قليل بجد

منقول للامانه

بجد والله حاجة تنرفز
لما تشوفي المناظر ديه
بجد شكرا على الموضوع فيه صورة تقريبا حقيقية

ميرسى يا سمسمه
ويارب يعجب كل الاعضاء

الموضوع حلو وعايز نقاش
بجد حاجة تستفذك
وزى ما انتى قلتى يا يورا
فى شباب كويسين بس اول ما بيدخلوا الجامعة بيبقوا مش كويسين
وفى ينات كويسين بس بقوا قليلين اوى
مرسي يورا على الموضوع

كل واحد سواء ولد او بنت
لما بيعمل كده بيفتكر انه مالك الدنيا ده كلها
محدش اده
وعلى فكرة دهسببه حكتين
الاول البعد عن الدين وقنوات الدش الى ملهاش عد وجيبه طول النهار المناظر
ده ولا فية رقابة ولا نيله
والسبب التانى اهمال الاهل الرقابة على اولادهم وعدم التفاهم معهم
مشكورة يورا

المشكله ان اى حد حيشوف الموضوع حتبقى وجهة نظره زينا
بس الاصدقاء هم اللى بيدخلوا الافكار دى فى الدماغ
ومحدش يقدر يقول انه مبيتاثرش باصحابه
بس المشكله كمان انه عهارف ان ده غلط ... وبيعمله
تفتكروا ليه
فاكر انه بقى خلاص توم كروز
تفتكروا عمل كده من فراغ
ولا من تاثير من حد
ادخلوا وردوا وعايزين نتناقش

ميرسى يا يويو على الرد
وشكرا على المرور

وانتى كمان يا بوتى
وجهة نظرك سليمه ميه ميه
وبجد رايك عجبنى جدا
وميرسى على المرور

خلاص كده no coment
خرستوا ليه مانتو كنتم كويسين
هههه اوكى ميرسى اوى يا جماعه على النقاش
بس انا زعلانه من هند ومروه عشان قرأوا الموضوع وعجبهم وقالولى بس مردوش
مستخسرين الحروف ولا ايه ههههه
يلا سلام

اولا ميرسى جدا على الموضوع الحلو دة بس ليا كذا تعليق شديد الاهميه
فى بنات محترمه جدااااااااااا
وشباب مؤدب جداااااااااااااااااا
بس قليل بجد
لا مش قليل و لا حاجة يا يورا بس يمكن عشان هو اللى ظاهر شويه لكن بجد الاغلبيه كويسين و محترمين .. انا مثلا فى المدرج فى حوالى 1800 طالب و طالبه لو حصرت العدد الفاسد اللى فيهم هنقول تقريبا 50 او 70 طالب و طالبه بالكتير اوى و انا هنا جايبلك مثال من ارض الواقع من الجامعه اللى مليانه شباب و بنات اهو
صورة تقريبا حقيقية
الرأى دة عجبنى جدا عشان كلمه تقريبا ... لأن كلمه تقريبا هنا نفت العموميه اللى اتوردت .. رأى فعلا من اصوب الاراء

فى شباب كويسين بس اول ما بيدخلوا الجامعة بيبقوا مش كويسين
مش شرط على فكرة فى شباب كويسين بيفضلو كويسين و فى شباب بيضعفو مع التغيرات الفظيعه اللى بيقابلوها و انا لسه داخل الجامعه جديد برضو اول سنه فى ناس اه فعلا اتغيرت و للاسف معظمهم انسات مش شباب و فى شباب اتغيروا برضو بس التغيير انواع انا مثلا شايف انى اتغيرت للافضل و دايره اهدافى بقت انضج و اوسع فى ناس تانيه اتغيروا تغيير ملوش اى لازمه و هيجى فوق دماغهم فى الاخر اذا ماكنش جه يعنى و فى ناس اتغيروا للاسوأ و شالو مواد و بيندموا دلوقتى و قعدين يصوتوا عشان الترمات بقت اصعب .. فاللى انا عايز اقوله ان كل واحد بيختار طريقه لكن مش شرط انه الواحد يبقى كويس و يدخل الجامعه ميبقاش كويس

الاول البعد عن الدين وقنوات الدش الى ملهاش عد وجيبه طول النهار المناظر
ده ولا فية رقابة ولا نيله
والسبب التانى اهمال الاهل الرقابة على اولادهم وعدم التفاهم معهم
البعد عن الدين سبب قوى جداااا للى بنشوفه دلوقتى بس فى اسباب تانيه برضو ... مثلا مفهوم الثقافه اللى اتغير و اتقسم الى قسمين بقى دلوقتى فيه ثقافه علميه الناس بتستفاد منها و دى اللى الشباب اللى عايزين يبقوا قاده و يشتغلوا شغل كويس بيدوروا عليها و فى ثقافه تانيه ملهاش اى لازمه و دى اللى انتى بتقولى عليها الدش و اللى بيجيبه دة ... اما بالنسبه للرقابه و دور الاهل فده انا مش هعلق عليه لأن كل رب اسره هو ادرى ببعولته و هو اللى هيتسأل عنهم يوم لا ينفع فيه الندم

و ميرسى مره تانيه يا يورا على الموضوع الحلو دة

ماشاء الله يا سمارت رأيك جميل
بس انا عايزه اقول حاجه
اه في شباب وبنات بيتغيروا للاحسن لما يدخلوا الجامعه
بس قلبل فعلا
والصراحه يعنى الاغلبيه بقوا بيتأثورا بأصحابهم اللى هم الاقليه فبالتالى حتزيد نسبه الفساد
عشان الواضح والظاهر ان كل اللى بيدخل الجامعه بيكون فى عالم تانى خالص
انت مثلا بتروح الجامعه عشان الدراسه
هم بقى بيروحوا يغيروا جو
ويتمشوا شويه ويهبلوا شويه
يتمايصوا شويه
طيب تفسير واحد بس عايزه اى حد يرد عليا
مش كل البنات طبعا بتكلم عنهم لا دول شواذ اللى بتكلم عنهم
هى البنات دلوقتى اول ما بتدخل الجامعه طريقه اللبس بتتغير ليه
بعد ما كانوا ناهيين فكره المايك اب تماما من دماغهم بقوا بيحطوه ليه
بقوا كمية الاكسسوارات اللى بيلبسوها ديه كلها ليه
اكيد عشان يلفتوا الانظار
وسيبك بقى من الكلام بتاع اصل انا متعوده البس ضيق ومتعوده على الاكسسوارات
وانا عارفه واحده بتقعد تهبل وتقنع نفسها ان لبسها ده عادى
واكيد بنات المنتدى كلها عرفوها لاننا فعلا بقالنا سنه بنحاول معاها تغير من لبسها مش عارفين
كل الكلام ده بقى ليه
مهو عشان يلفتوا الانظار ليهم
مش كل البنات طبعا فى بنت فعلا ديه طبيعة لبسهم ومش عشان يلفتوا النظر
بس اكيد حراام لان كل شاب بيبص على بنت زى ديه هى بتاخد سيئات وهو كمان
بس لو فى فعلا رقابه فى الدين مكنشى حيحصل اى شواذ زى ديه
انا بقى اسأل سؤال تانى
هو لما واحد يلاقى بنته ماشيه فى الشارع والشباب كلهم بيبصوا على لبسها
حيعمل ايه ؟؟؟؟
اما بالنسبه للشباب فأنا مش حتكلم
لان دلوقتى امشى فى الشارع انت حتشوفهم بعنيك
مش كل الشباب
بس فى الشباب اول ما بتدخل الجامعه بيحسوا بقى انهم كبروا
واللى بيغظنى اكتر
انك تلاقى شباب فى الشارع تقعد تعاكس البنات
طيب يابنى انت تقبل ان حد يعاكس اختك
دول مش كل الشباب
دول برده شواذ
بس الموضوع ده عشان نطلع الناحيه السلبيه فى المجتمع ونتناقش فيها
وشكرا ...

!!yOrA!! كتب:: ماشاء الله يا سمارت رأيك جميل
ميرسى على المجامله

بس انا عايزه اقول حاجه
اه في شباب وبنات بيتغيروا للاحسن لما يدخلوا الجامعه
بس قليل فعلا
لو فضلنا نقول قليل هنصدق حاجة مش موجوده على فكرة مش شرط كل اللى يدخل الجامعه يتغير فى ناس بتتغير و فى ناس لا و اللى بيتغير نوعين لاما للاحسن لاما للاسوأ و اللى بيتغيروا للأسوأ مش كتير زى ما وضحت فى المثال اللى طرحته فوق

والصراحه يعنى الاغلبيه بقوا بيتأثورا بأصحابهم اللى هم الاقليه فبالتالى حتزيد نسبه الفساد

سورى بس الاغلبيه استحاله و دى حقيقه ثابته فى علم النفس انهم استحاله يتأثروا بالاقليه بس الاقليه ممكن يتأثروا بالاقليه اللى زيهم

عشان الواضح والظاهر ان كل اللى بيدخل الجامعه بيكون فى عالم تانى خالص
انت مثلا بتروح الجامعه عشان الدراسه
هم بقى بيروحوا يغيروا جو
ويتمشوا شويه ويهبلوا شويه
يتمايصوا شويه

هو فعلا عالم تانى اسمه عالم الكبار و الناضجين و اللى بيمشى على الاساس دة هما اللى بيشتغلوا بعد كدة اماا اللى بيروحوا يعملوا الحاجات اللى بتقولى عليها دول اخرهم يشتغلو اى شغلانه ملهاش اى علاقه باللى درسوه و بيندموا طول عمرهم بعد كدة

طيب تفسير واحد بس عايزه اى حد يرد عليا
مش كل البنات طبعا بتكلم عنهم لا دول شواذ اللى بتكلم عنهم
هى البنات دلوقتى اول ما بتدخل الجامعه طريقه اللبس بتتغير ليه
بعد ما كانوا ناهيين فكره المايك اب تماما من دماغهم بقوا بيحطوه ليه
بقوا كمية الاكسسوارات اللى بيلبسوها ديه كلها ليه
اكيد عشان يلفتوا الانظار
وسيبك بقى من الكلام بتاع اصل انا متعوده البس ضيق ومتعوده على الاكسسوارات
وانا عارفه واحده بتقعد تهبل وتقنع نفسها ان لبسها ده عادى
واكيد بنات المنتدى كلها عرفوها لاننا فعلا بقالنا سنه بنحاول معاها تغير من لبسها مش عارفين
كل الكلام ده بقى ليه
مهو عشان يلفتوا الانظار ليهم
مش كل البنات طبعا فى بنت فعلا ديه طبيعة لبسهم ومش عشان يلفتوا النظر
بس اكيد حراام لان كل شاب بيبص على بنت زى ديه هى بتاخد سيئات وهو كمان
بس لو فى فعلا رقابه فى الدين مكنشى حيحصل اى شواذ زى ديه

بصى هقولك على حاجة البنت اللى تعمل كدة مش هتلاقى حد محترم يبصلها لكن اللى هيبصلها واحد زى اللى صورته فوق دة اللى هو مسقط البنطلون و مكهرب شعره و فى الاخر يديها صابونه اجدع من 100 ازازه شاور جل فالاحسنلها تلتزم و تمشى عدل و متبوظش خلقتها بالميكب و الهباب دة عشان تلاقى شاب محترم يبقى هيموت عشان يكلمها و هى برضو تكشمله لما هيزهق و مش هيلاقى فرصه هيروح يتقدملها رسمى ساعتها بقى تقيدله صوابعها العشره شمع

انا بقى اسأل سؤال تانى
هو لما واحد يلاقى بنته ماشيه فى الشارع والشباب كلهم بيبصوا على لبسها
حيعمل ايه ؟؟؟؟
هيعمل ايه هههههههه لامؤاخذه لو شايفها و هى نازله مش هيعمل حاجة ما هو ساكت من الاول اصلا ... اما لو مش عارف هى نازله من البيت ازاى يبقى اقل واجب انه ممكن لو طيب هيرزعها 100 الم على وشها اما لو شرانى ممكن يعمل حاجات تانيه بقى

اما بالنسبه للشباب فأنا مش حتكلم
لان دلوقتى امشى فى الشارع انت حتشوفهم بعنيك
مش كل الشباب
بس فى الشباب اول ما بتدخل الجامعه بيحسوا بقى انهم كبروا
واللى بيغظنى اكتر
انك تلاقى شباب فى الشارع تقعد تعاكس البنات
طيب يابنى انت تقبل ان حد يعاكس اختك
دول مش كل الشباب
دول برده شواذ
بس الموضوع ده عشان نطلع الناحيه السلبيه فى المجتمع ونتناقش فيها
بصى فى شباب عايزين يتفجروا اصلا و مينفعش فيهم تصليح لأنهم خلاص فات الاوان عليهم و انا بتغاظ منهم و لما بلاقى موقف زى دة قدامى و واحد شكله عجيب كدة بيعاكس بنت محترمه بقعد اتريق عليه لغايه ما يتلهى عنها و يبصلى انا ساعتها لاما بنفضله لا ما بنفضله و اغيظه عشان مش بحب اوسخ ايدى بخناق مع اشكال ملهاش لازمه اما لو بيعاكس واحده مش محترمه بقعد اتريق عليهم هما الاتنين لغايه ما يشدوا فى شعرهم هما الاتنين

وشكرا ...
دة انا اللى متشكر انك طرحتى الموضوع للنقاش عشان انا عايز الاقى حل للموضوع دة

smart designer كتب:

!!yOrA!! كتب:

ماشاء الله يا سمارت رأيك جميل
ميرسى على المجامله
انا مبجاملشى حد

ه اقول حاجه
اه في شباب وبنات بيتغيروا للاحسن لما يدخلوا الجامعه
بس قليل فعلا
لو فضلنا نقول قليل هنصدق حاجة مش موجوده على فكرة مش شرط كل اللى يدخل الجامعه يتغير فى ناس بتتغير و فى ناس لا و اللى بيتغير نوعين لاما للاحسن لاما للاسوأ و اللى بيتغيروا للأسوأ مش كتير زى ما وضحت فى المثال اللى طرحته فوق
لا هنا انا حعترض لان اللى بيتغيروا للاسواء مش قليلين يا سمارت
وانا مبقولشى كده من مفيش اكيد فى سبب
كمان مش معقوله ال60 او 70 واحد اللى ذكرتهم فوق هم بس اللى بيمشوا فى الشارع
والصراحه يعنى الاغلبيهئ بقوا بيتأثورا بأصحابهم اللى هم الاقليه فبالتالى حتزيد نسبه الفساد

سورى بس الاغلبيه استحاله و دى حقيقه ثابته فى علم النفس انهم استحاله يتأثروا بالاقليه بس الاقليه ممكن يتأثروا بالاقليه اللى زيهم
اوكى يا سمارت بس انا كمان قرأت ان الصحبه السيئه بتأثر بشكل كبير جدااا
ومع انهم اقليه فبتزيد مع الوقت ..
كمان اقليه حتأثر على اقليه حتأثر على اقليه فبالتالى حيذيدوا
وانت لو جبت طماطم وفيها اتنين بايظين واستنيت يومين كده حتلاقى باقى الطماطم هم كمان باظوا
الطماطم بقى بتمثل المجتمع
عشان الواضح والظاهر ان كل اللى بيدخل الجامعه بيكون فى عالم تانى خالص
انت مثلا بتروح الجامعه عشان الدراسه
هم بقى بيروحوا يغيروا جو
ويتمشوا شويه ويهبلوا شويه
يتمايصوا شويه

هو فعلا عالم تانى اسمه عالم الكبار و الناضجين و اللى بيمشى على الاساس دة هما اللى بيشتغلوا بعد كدة اماا اللى بيروحوا يعملوا الحاجات اللى بتقولى عليها دول اخرهم يشتغلو اى شغلانه ملهاش اى علاقه باللى درسوه و بيندموا طول عمرهم بعد كدة
مش دايما عالم الكبار ساعات بيبقى عالم العيال اوى
طيب تفسير واحد بس عايزه اى حد يرد عليا
مش كل البنات طبعا بتكلم عنهم لا دول شواذ اللى بتكلم عنهم
هى البنات دلوقتى اول ما بتدخل الجامعه طريقه اللبس بتتغير ليه
بعد ما كانوا ناهيين فكره المايك اب تماما من دماغهم بقوا بيحطوه ليه
بقوا كمية الاكسسوارات اللى بيلبسوها ديه كلها ليه
اكيد عشان يلفتوا الانظار
وسيبك بقى من الكلام بتاع اصل انا متعوده البس ضيق ومتعوده على الاكسسوارات
وانا عارفه واحده بتقعد تهبل وتقنع نفسها ان لبسها ده عادى
واكيد بنات المنتدى كلها عرفوها لاننا فعلا بقالنا سنه بنحاول معاها تغير من لبسها مش عارفين
كل الكلام ده بقى ليه
مهو عشان يلفتوا الانظار ليهم
مش كل البنات طبعا فى بنت فعلا ديه طبيعة لبسهم ومش عشان يلفتوا النظر
بس اكيد حراام لان كل شاب بيبص على بنت زى ديه هى بتاخد سيئات وهو كمان
بس لو فى فعلا رقابه فى الدين مكنشى حيحصل اى شواذ زى ديه

بصى هقولك على حاجة البنت اللى تعمل كدة مش هتلاقى حد محترم يبصلها لكن اللى هيبصلها واحد زى اللى صورته فوق دة اللى هو مسقط البنطلون و مكهرب شعره و فى الاخر يديها صابونه اجدع من 100 ازازه شاور جل فالاحسنلها تلتزم و تمشى عدل و متبوظش خلقتها بالميكب و الهباب دة عشان تلاقى شاب محترم يبقى هيموت عشان يكلمها و هى برضو تكشمله لما هيزهق و مش هيلاقى فرصه هيروح يتقدملها رسمى ساعتها بقى تقيدله صوابعها العشره شمع

رأى الصراحه حلوو اوى اخيرا فى حاجه انا موفقاك عليها 100%

انا بقى اسأل سؤال تانى
هو لما واحد يلاقى بنته ماشيه فى الشارع والشباب كلهم بيبصوا على لبسها
حيعمل ايه ؟؟؟؟
هيعمل ايه هههههههه لامؤاخذه لو شايفها و هى نازله مش هيعمل حاجة ما هو ساكت من الاول اصلا ... اما لو مش عارف هى نازله من البيت ازاى يبقى اقل واجب انه ممكن لو طيب هيرزعها 100 الم على وشها اما لو شرانى ممكن يعمل حاجات تانيه بقى

مش دايما على فكره ساعات برده بيكون شايفها وهى نازله بس بيبقى ليه تصرف تانى يأما حيمنعها من اللبس ده يأما مش حيعمل حاجه

يحسوا بقى انهم كبروا
واللى بيغظنى اكتر
انك تلاقى شباب فى الشارع تقعد تعاكس البنات
طيب يابنى انت تقبل ان حد يعاكس اختك
دول مش كل الشباب
دول برده شواذ
بس الموضوع ده عشان نطلع الناحيه السلبيه فى المجتمع ونتناقش فيها
بصى فى شباب عايزين يتفجروا اصلا و مينفعش فيهم تصليح لأنهم خلاص فات الاوان عليهم و انا بتغاظ منهم و لما بلاقى موقف زى دة قدامى و واحد شكله عجيب كدة بيعاكس بنت محترمه بقعد اتريق عليه لغايه ما يتلهى عنها و يبصلى انا ساعتها لاما بنفضله لا ما بنفضله و اغيظه عشان مش بحب اوسخ ايدى بخناق مع اشكال ملهاش لازمه اما لو بيعاكس واحده مش محترمه بقعد اتريق عليهم هما الاتنين لغايه ما يشدوا فى شعرهم هما الاتنين

ماشاء الله ربنا يوفقك وتتريق كمان وكمان

وجهة نظرك حلوه يا سمارت

!!yOrA!! كتب:: ه اقول حاجه
اه في شباب وبنات بيتغيروا للاحسن لما يدخلوا الجامعه
بس قليل فعلا
لو فضلنا نقول قليل هنصدق حاجة مش موجوده على فكرة مش شرط كل اللى يدخل الجامعه يتغير فى ناس بتتغير و فى ناس لا و اللى بيتغير نوعين لاما للاحسن لاما للاسوأ و اللى بيتغيروا للأسوأ مش كتير زى ما وضحت فى المثال اللى طرحته فوق
لا هنا انا حعترض لان اللى بيتغيروا للاسواء مش قليلين يا سمارت
لا قليلين على فكرة و لما تدخلى الجامعه هتتأكدى بنفسك عشان انا كنت فاكر زيك كدة فى الاول و احب اقولك على حاجة بقى ... السنين بتاعه الثانوى نسبه الفساد فيها اعلى بكتييييييييير جداااا من الجامعه لانه كله بيبقى فاكر بقى انه كبر و مش هامه حاجة و سنتين تلاته و ادخل الجامعه و حاجات و افكار عجيبه ملهاش اى لازمه لكن لما بيدخل الجامعه بيتصدم

وانا مبقولشى كده من مفيش اكيد فى سبب
كمان مش معقوله ال60 او 70 واحد اللى ذكرتهم فوق هم بس اللى بيمشوا فى الشارع
ماشى معاكى حق انا بتكلم على نسبه و تناسب يعنى ما بين مثلا كل 1800 واحد لما يكون فى 70 واحد ملهمش لازمه هنا ممكن الواحد يضغط عليهم و الخوف هنا مش من انهم يمشوا فى الشارع .. الخوف انهم يتجمعوا مع بعض هنا بقى ساعتها اقولك فى خطر

والصراحه يعنى الاغلبيهئ بقوا بيتأثورا بأصحابهم اللى هم الاقليه فبالتالى حتزيد نسبه الفساد

سورى بس الاغلبيه استحاله و دى حقيقه ثابته فى علم النفس انهم استحاله يتأثروا بالاقليه بس الاقليه ممكن يتأثروا بالاقليه اللى زيهم

اوكى يا سمارت بس انا كمان قرأت ان الصحبه السيئه بتأثر بشكل كبير جدااا
ومع انهم اقليه فبتزيد مع الوقت ..
ماشى معاكى و كمان " المرء على دين خليله فلينظر احدكم من يخالل " هنقول على فرض انهم بيأثروا بشكل كبير و انهم اقليه و بيزيدوا بس فى حاجة اسمها التغذيه العكسيه Feed back
و دى اللى بتحصل بعد كدة لما يكون فى واحد كويس وقع فى ايد شله فاسده بتحصله العمليه دى و بيرجع كويس تانى و احسن من الاول و عن تجربه كمان يعنى فى النهايه هيفضلو زى ما هما اقليه

كمان اقليه حتأثر على اقليه حتأثر على اقليه فبالتالى حيذيدوا
وانت لو جبت طماطم وفيها اتنين بايظين واستنيت يومين كده حتلاقى باقى الطماطم هم كمان باظوا
الطماطم بقى بتمثل المجتمع

احنا بنتكلم على بشر ليهم عقل و تقاليد و دين مش جماد

عشان الواضح والظاهر ان كل اللى بيدخل الجامعه بيكون فى عالم تانى خالص
انت مثلا بتروح الجامعه عشان الدراسه
هم بقى بيروحوا يغيروا جو
ويتمشوا شويه ويهبلوا شويه
يتمايصوا شويه

هو فعلا عالم تانى اسمه عالم الكبار و الناضجين و اللى بيمشى على الاساس دة هما اللى بيشتغلوا بعد كدة اماا اللى بيروحوا يعملوا الحاجات اللى بتقولى عليها دول اخرهم يشتغلو اى شغلانه ملهاش اى علاقه باللى درسوه و بيندموا طول عمرهم بعد كدة
مش دايما عالم الكبار ساعات بيبقى عالم العيال اوى
انتى دخلتى الجامعه عشان تعرفى ؟؟ احب اقولك مهما كانت تصرفاتهم تبان انها عيالى اوى بس هما فى النهايه قاعدين وسط ناس كبار و ناضجين و بيتأثروا بيهم فى النهايه يعنى مفيش حاجة اسمها عيال فى الجامعه

وجهة نظرك حلوه يا سمارت
ميرسى

اوكى يا سمارت
انا مدخلتش جامعه
بس برده اعرف ناس فى الجامعه وعقلهم للاسف اصغر من عقلى
وعلى فكره انت بتقول ان نسبة الفساد فى الثانوى بتبقى عاليه
اوكى بس على فكره مش كله بيبحب انه يبان كبير
فى ناس كتير بتحب تلتزم فى مود معين بتاع الاطفال وبيشوفوا ده احسن ليهم
بس سؤال واحد بس ايه اللى جاب سيرة الثانوى فى الموضوع ؟؟
وميرسى على الحوار ده

ماشاء الله عليكم يا جماعة فلاسفة
بصوا يا جماعة خلاصة الموضوع
مجتمعنا فيه الحلو وفيه المش كويس
بس ايه اللي ظاهر قدامنا ؟؟!!
اوكي
وشكرا على المناقشة الطويلة ديه

ههه لا مش فلاسفه يا سمسمه
مجرد اختلاف وجهة نظر وبس ههه