شايف البنت اللي ماشيه هناك دي ....... ايوه هي دي

وحيد : شايف البنت اللى واقفة بعيد دى ؟

فريد: اه شايفها مالها ؟

وحيد : اسكت يا عم ان الله حليم ستير ..

فريد: مالها بس ؟ هى مين دى اصلا ؟؟

وحيد : دى يا عم فلانة بنت فلان اللى بتكلم فلان وبتعمل كذا وكذا وسمععتها كذا وكذا

فريد: يااااااااااااااه ومين اللى قالك على الحاجات دى كلها ؟

وحيد: ياعم هو فيه حاجة بتستخبى وبعدين الواحد بيبان عليه برده

فريد: كفاية كدا بقى ياعم..
دع الخلق للخالق احنا بردو عندنا اخوات بنات
_________________________

علياء: مش دى نجلاء؟؟

شيماء: ايوه هى ..

علياء: وايه اللى عاملاه فى نفسها ده..حاطه نص كيلوا بودره على وشها!!
ومين اللى ماشى معاها ده؟؟

شيماء: ده الواد وائل..
ياريتها تيجيي على وائل وبس..ده نص الدفعه معاها رقمها..

علياء: يا نهار..!!
ربنا يهديها ..

___________________________________________

كام مرة سمعنا السيناريو ده ؟ تقدر تفتكر ؟

أكييييييييييييد كتيييييييييير اوى

انتوا عارفين ده ايه ؟
.. ده اسمه

قذف محصنات

انت عارف ان لو احنا فى بلد بيتطبق فيه شرع ربنا كان هيكون ايه عقابك ؟

80 جلده

تقدر تستحمل !!

وكمان أن ترد شهادته

وان يصبح فاسقا ليس بعدل لا عند الله ولا عند الناس

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا )). ( سورة النور، الآيتان: 4، 5 ).

فقد عاقب الله من رمى مؤمناً بفاحشة بثلاث عقوبات:

الأولى: الجلد. (( فاجلدوهم ثمانين جلدة )).

الثانية: رفض الشهادة (( ولا تقبلوا لهم شهادة أبداً )).

الثالثة: الحكم عليهم بأنهم فاسقون. (( وأولئك هم الفاسقون )).
____________________________________________

تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

" ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم "

شايف الخطوره

لعنوا فى الدنيا
ولهم فى الآخرة عذاب عظيم

وقذف المحصنات من

السبع الموبقــات " اى المهلكات "

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

يعنى هنستفاد ايه ؟

علشان تقول كلام مش كويس على بنت لااااااااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين

غير كدا لااااااازم منتكلمش!!

شايف البنت اللي ماشيه هناك دي ....... ايوه هي دي Image589

شايف البنت اللي ماشيه هناك دي ....... ايوه هي دي Image589

سيدنا عمر سمع صوت امرأة مع رجل لكن من وراء حجاب او ستار وذهب واخبر سيدنا على بن ابى طالب

فقال له على أمعك شهود ؟؟ ..

طيب وهل سيدنا عمر هيكدب يعنى؟؟
هيحتاج هو كمان لشهود ؟
ايوااااااااااااااااااااا لازم اربعة

فقال له عمر: لااااا

فقال على : لو نطقت اسمها لجلدتك

تخيلوا !!

يا جماعة بجد كام فينا محتاج للجلد وكام مرة وقعنا فى قذف المحصنات

يا ما الكلام ده خرب بيوت وطلق زوجات واتسبب فى اذى ناس الله واعلم ببراءتهم او ذنبهم

هل لو واحدة فينا هترضاها على نفسها ؟ . .

واخيرا هذكركم بقول الله تعالى :

( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ
وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

__________________________________________________ _______

و نيجي للاسئلة

عمرك عملت الموضوع ده قبل كده

و هل كنت عارف العقوبة بتاعته

و بعد ما عرفت العقوبة مستعد تعمل الذنب ده تاني

ودااااااااااااااعا لهذا الذنب
__________________________

تحياتي لكم

السلام عليكم
بجد موضوع شديد
ربنا يهدينا كلناااااااااااا
وطبعا محدش مستعد يعمل الذنب ده بعد ما عرف احكامه
غير كده كمان كما تدين تدان
جزاكي الله خيرا

>>>!!Stubborn ! ROck!!>>> كتب:: السلام عليكم
بجد موضوع شديد
ربنا يهدينا كلناااااااااااا
وطبعا محدش مستعد يعمل الذنب ده بعد ما عرف احكامه
غير كده كمان كما تدين تدان
جزاكي الله خيرا

شكرا يا قمر نورتي

" ان
الذين يرمون المحصنات الغافلات المؤمنات لعنوا فى الدنيا والآخرة ولهم فى
الآخرة عذاب عظيم "

حلووووووو موضوعك اوووووووووووووى
بدايه موفقه

جزاكم الله خير
شكرا