يوميات ( احمد و أيه)

يوميات احمد وأيه
انا جايبلكم قصه يارب تعجبكم

وهايكون معانا فى القصه

الصعيدى : احمد

البنت الاستايل :أيه

ونبدأ مع بعض الحلقه الاولى

احمد: لو سمحتي حضرتك...ممكن براية
أيه: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
أيه: مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
أيه : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
أيه: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
أيه: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة وأيه شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة
أيه : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
أيه: انت انسان قليل الادب...وبجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(أيه عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(أيه بتحكي مع زميلتها من كلية تانية على احمد )

أيه: بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
أيه: بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
أيه:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
أيه : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
أيه: انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
أيه: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
ردوا عليها وانا اقول لكم

قصه شكلها حلو
يلا يا يويو بقيتى منافستى فى اليوميات
هههه
يلا عايزين نشوف الباقى

مرسي يورا على الرد والمرور
هو حد يقدر ينفسك

ههههه
ماشى يا يويو
اه
وكل سنه وانتى طيبه
مش بكره عيد ميلادك

اليوميات حلوه بس الحلقه صغيره
ياريت تزيدى من جهدك شويه وتطولى الحلقه
thanx for your tobic

وانتى طيبة يورا

مرسي من انا على الرد والمرور
وانا هعمل ما فى وسعي لكى ابسطكم

طيب فين بقى الحلقه الجديده

اما الاقى ردود تفرحنى وتحسسنى انكم عايزين بقيت الحلقات

القصة حلوة
شكرا يويو عليها

لا شكر على واجب
مرسي يا مروة على الرد والمرور

يلا بينا
الحلقه التانيه

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين

احمد: ديب ديب ديب انتوا يا ناافتحوا س يللي هنا...الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى أيه فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
أيه:وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عجباك
أيه:طيب انا مش هقوم
احمد: هروح للعميد يجي يقومك
أيه:ههههههههههههههههههه
احمد:بتضحكي على ايه يا باردة
أيه: لم نفسك
احمد: شايفاني مبعتر في الارض ولا اييييييييه
أيه:مش هتحضر...هههههههههههههه
احمد :عليا الطلاج لأحضر غصب عنك وعن عين اهلك....

وفجأة سمع صوت الدكتور بيناديله

ونكمل الحلقة الجاية ان شاء الله

أكمل ولا لأ
او عايزنى اكمل ردوا على الحلقة

hhhhhhhhhhhh
thats bart very nice and cute
mersy yoyo for your topic
thanx dear
c.u

loooooooooooool
this story is very beautiful aia
thank you for it

thanks yora

thanks marwa

فين الحلقااااااااااااااااات الجديده
شكلك حتنضربى النهارده
لا رحمة بعد اليوم

يلا بينتا ع الحلقه التالته

وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

أيه :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتنى مكان سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع أيه ورمى اقلامها

راحت أيه ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتخضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على أيه ولمح فيها نظرة عطف جميلة

بعد ما المحاضرة انتهت... أيه خرجت لأ حمد

أيه :بجد انا اسفة اوووي

احمد : على ايه بقى ما المحاضرة خلاص

أيه : خد المحاضرة بتاعتي انقلها وانا هستناك

احمد : بجد بتتكلمي بجد

أيه : ايوة مع انهم اكتر من عشر صفحات بس هستناك

احمد : متشكر يا مازمازيل أيه

أيه : لأ قول أيه بس ما تقول مازمازيل احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح أيه وهي جاية وبتبتسم بخجل

ووووووونكمل الحلقة اللي جاية

يلا عايزة ردود

رام عليكى والله
حلقه واحده فى اليوم
بس حلقه جميله شكرا عليها

لاشكر على واجب المهم عجبتك
مرسي على الرد المرور

طيب ما تعملى جميله وتكتبى دلوقتى حلقه كمان
فكرى كده
وحطى يلا
اعملى حاجه كويسه قبل ما تموتى
كخخخخخخخخخخخخخخ

حلوة اليوميات
عجبتني
شكرا ليكي يا يو
مستنية الحلقة الجاية

مرسي سمسمة على الرد والمرور
الحمد لله انها عجبتكم

ندخل بقي ع الحلقه الرابعه

بعد ما الدكتور طرد احمد من المحاضرة بسبب أيه

وخرج زعلان خالص وأيه صالحته وقالتله خد المحاضرة انقلها

واثناء ما كان بينقلها وبيقول خطها وحش بس هي طيبة كانت هي جاية بتبتسم

أيه: احمد انت خلصت المحاضرة

احمد : لأ لسة انا في اول صفحة مش عارف اجرا الكلمة دي

أيه قرتله الكلمة

أيه: اوكي كمل انا هستناك

احمد :لا لا انتي لازم تروحي دلوقتي عشان انتي اتأخرتي خالص

أيه: طيب والمحاضرة

احمد : تتحرج المحاضرة

أيه ضحكت ضحكة رقيقة جدا حركت قلب احمد الاسد

احمد : ممكن اوصلك لحد الباب...والله لحد الباب بس

أيه: اوكي اوكي مفيهاش حاجة اتفضل

احمد : انتي في الجامعة هنا من امتى

أيه :ايه يا احمد انا في سنك لسة اول سنة

احمد : انا عارف انا عارف

احمد : وياترى دخلتي هنا واسطة ولا ايه

أيه : هههههههههههههههههه ...احمد مالك في ايه

احمد : لا بهرج معاكي

أيه : تعرف انك

احمد :اني ايه

أيه : طيب اوووي

احمد : وانتي انسانة محترمة اه فعلا محترمة بجد

أيه: ميرسي

احمد :يالهوي ياني انا منجلتش المحاضرة بتاعت النهاردة

أيه : ميرسي يا احمد على التوصيلة الجميلة دي منك

احمد : انتي رايحة فييييييييييييييييين

المحاضرة

المحاضرة

المحاضرة

وووووووواشوفكم الحلقة الجاية ان شاء الله ومع يوم جديد من ايام الجامعة

و أحمد وأيه

وانتظروا يا أحلى شباب فى الدنيا الحلقة الجاية جامده جدا

علشان الدنيا هتتظبط مع احمد على الاخر

واشوفكم على خير