يوميات شاب روش فى الجيش

الحلقة الرابعة

مش شايف قدامه يعيني و عمال يدعك في عينيه عمنا زيكو قام و هو
لبس البدلة العسكرية و بيادة ( البيادة هي جزمة الجيش ام رقبة عالية دي )
و سرح و هو بيفتكر أيام القمصان اللي فاتح كل زريزها تقريبا و البنطلون اللو ويست و الحظاظة و السلسلة و حط ايه على دماغه القرعة دلوقتي
أصلهم جابوهالو على الزيرو في الجيش و افتكر أيام الجل و الكريمات
المهم
عمنا زيكو وقف في الطابور مع زمايله و هو طبعا مش فاهم حاجة خالص .
و مين القائد بتعهم ؟؟؟؟؟
حبيبه الشويش أبو الفتوح
المهم الطابور بدأ و صفا و انتباه و حاذي يا عسكري و ازاي مسكة السلاح
زيكو مش متعود على الجو ده فواقف في الطابور مثبت رجل و راخي الرجل التانية
بحظه الفقري المعتاد الشاويش أبو الفتوح يقفشه
الشاويش: ايه الواجفة اللي انت واجفه دي يا عسكري فاكر نفسك واجف عالناصية
زيكو : فيه ايه بس يا شاويش
الشاويش : فيه قلة انضباط فيه قلة احترام للعسكرية فيه ان لو حصلت منك حاجة تانية حدورك المكتب محجوز فاهم يا عسكري اوقف عدل و ثبت رجلك
زيكو : تمام يا فندم
الشاويش ايوه كده
المهم التدريبات بدأت و عمنا زيكو طلع عين الشاويش أبو الفتوح و كفر سيئاته كلها
الشاويش : يبني حرام عليك انت مين مسلطك عليه بس
زيكو: ليه بس يا شاويش
الشاويش : في حد يعمل التمرين كده يا بني ادم عايز تعدي الاسلاك الشايكة و انت نايم على ضهرك ازاي ؟؟؟؟؟!!!!!
(هههههههههههههههههههه) ده أنا اللي بضحك على فكرة
زيكو : أعمل ايه يا شاويش صدري بيتعب من التراب و عندي حساسية
الشاويش : يا ضنايا أجبلك بخاخة عشان زور سعادتك
قوم فز و دور نفسك مكتب انصراف
زيكو : تمام يا فندم
و ده كان أول يوم لزيكو في الجيش تابعونا في الحلقات القادمة لمعرفة المزيد عن يوميات شاب روش في الجيش
تحياتي

ههههههههه
جامد

هههههههههه
اليوميات جامدة يا بوتى هاتى الحلقات الجاية بقى
شكرا

جميل
عجبني
يلا فين الباقي ؟!

مرسى يورا على الرد و المرور

مرسى مروة وان شاء الله اجيب الباقى

مرسى مدرتنا الجميلة

مرسييييييييييييييييييييييي

فاطمة بجد جمدة اوى بسرعة الحلقة الجية

يلاااااااااا بقى
فين الحلقه الجديده .........

و بدأت الايام تمر و عمنا زيكو مطلع عين الشاويش أبو الفتوح و مقضي أغلب أيامه في السجن الحربي .
و اتحرم من الاجازة بتاع خمس ست مراتو في مرة عمل بلوى من بلاويه و الشاويش حرمه من الاجازةقال محاول أزوغ المرة دي زي العيال اللي بتزوغ و بتحط المخدات مكانها لغاية ما يرجعوا الصبح
المهم عمنا زيكو راح اتفق مع العيال اللي بيزوغوا عشان يزوغ معاهم
و كان فاكر انه في مدرسة حيضحك على الفراش و حينط من على السورالمهم العيال دول خدوا منه خمسين جنيه و قالوله حنظبطك في موضوع التزويغ دهعمنا زيكو قعد يخطط حيعمل ايه في الليلة دي و حيروح فين و نفسه يشوف بنات بقى بدل محمية الذكور اللي عايش في وسطيهابس مكنش يعرف انه حيتعرض لأكبر عملية نصب في حياته .
على الساعة تمانية بالليل جاله زعيم الشلة و قاله جاهز عشان نكت عمنا زيكو طبعا كان مستعد و على سنجة عشرة و قاله تمام.
راح الزعيم خده و قعد لففه في ستلاف ممر و خندق و قاله بص شايف الأوضة اللي منورة هناك دي روح هناك حتلاقي ليها باب تاني أطلع منه و حتلاقي نفسك بره المعسكر شوف أي حد من زميلك ماشي و روح معاهزيكو سأله ايه ده انت مش جي معايا و لا ايهرد عليه الزعيم لأ طبعا أنا ورايا تلاتة غيرك حهربهميلا ربنا معاكزيكو كمل طريقه و دخل الأوضة اللي قال له عليها الزعيم و قفل الباب بشويش متقولش جيمس بوند في زمانه و التفت لقى مين أودامه

شكرا على الحلقة
عايزين الحلقة الجاية

جااااااااااااااااامده يا بوتى
مستنين الباقى يا عسل

مرسى سمسمة على الرد والمرور

مرسى يورا على الرد والمرور

مفيش غير سمسمة و يورا
انا زعلانة

بوتي ماتزعليش
بس حطي الحلقة الجديدة

الشاويش أبو الفتوح
طلعت الأوضة ديه أوضة الشويش أبو الفتوح و الزعيم لبس زيكو أكبر مغرز في حياته
ايه اللي حيحصل لزيكو بعد ما الشاويش أبو الفتوح قفشه تابعونا في الحلقة القادمة من يوميات شاب روش في الجيش .

زيكو : ايه اللي جابك هنا يا شاويش ....... ايييييه قصدي ....قصدي
الشاويش : بعمل ايه مستني المترو يا خويا .... انت بقى جي الأوضة بتاعتي تعمل ايه
زيكو : نعم أوضك........
( عمنا زيكو قالك في عقل باله كده روحت في داهية و فيها محاكمة عسكرية الله يخرب بيتك يا زعيم )
الشاويش : هههههههههههههههههههههههههههه هما عملوها فيك انت كمان هههههههههههههههههههه
زيكو : هما مين دول و عملوا فيا ايه ....
الشاويش : الزعيم و شلته اللي فهموك انهم حيخلوك تزوخ من المعسكر يا دغف
زيكو : و عرفت ازاي يا شاويش ؟!!!!!!!!!!!!!!!!!!
الشاويش : أصلك مش أول واحد تتعمل فيه الحركة دي بس انت حظك من السما انها رسيت بيك في الجوضة بتاعتي دول دخلوا ناس جوضة حضرة الظابط و كانت ليلة طين على الكتيبة كلتها .
زيكو ( و هو باصص في الأرض) : أدور نفسي مكتب يا حضرة الشاويش
الشاويش : مكتب .....لا سماح المرة دي كفاية عليك الحرمان من الأجازة , بس عارف تحاول تزوغ مرة تانية حتبجى وجعتك منيلة بستين نيلة على دماغك
زيكو : ربنا يخليك لينا يا شاويش يارب أشوفك لوا ...........
انتهت فترة التمرين و بدأ توزيع الكتايب على أماكن شغلها و جه حظ عمنا زيكو في الواحات ( بسم الله ما شاء الله )
زيكو بقى بيلطم
الواحات مرة واحدة ده ايه الحظ المأندل ده يا ربي

يترى ايه اللي حيعمله زيكو في الواحات انتظروا معنا الجزء الثاني من يوميات شاب روش في الجيش
تحياتي ......
تم الجزء الأول بحمد الله

اللاسف انا مش لئية الجزء الثانى
فلو حبيتو اجبلكم يوميات تنية جاااااااااااااااااامدة جدااااااااااا ok

القصة جميلة وهناك افضل

مرى احمد2010
على الرد والمرور

ما تزعليش خالص يا بوت
بجد حلقات حلوة

حلقات حلوة
زعلتينا لما قلتي الباقي مش موجود
بس شكرا على اللي جبتيهم ..

الحلقات حلووه يا بوتى
ومش مشكله يا ستى التكمله
اكيد حتجيبلنا حاجه احلى
صح ولا مش ناويه هههه

خلاص يا بوتى ولا يهمك